Oe-kussi RCAL, 5 Juñu 2026_Prezidente Konsellu Administrativu Fundu Espesial Dezemvolvimentu (KAFED) Atual Ministru Obras Publika, Samuel Marçal hateten, daudau ne’e, tekniku sira sei halo avaliasaun ba projetu 53 ne’ebe mak governu seidauk halo pagamentu iha Oekusi, tanba governu fo prioridade ba projetu sira ne’ebe iha ona orsamentu iha tinan ida ne’e nian 2026.
Ministru Obras Publika informa, prosesu avaliasaun ne’e mosu tanba tekniku sira presiza halo ajustamentu iha tinan oin nian liuliu hanesan projetu emerjensia sira ne’ebe halo ona servisu maibe seidauk iha pagamentu no projetu balun seidauk iha kontratu ofisial entre governu ho Kompaña.
“Ami sei tur hamutuk ho tekniku sira atu haree ba sira ninia kontratu atu bele halo ona kontratu hodi halo pagamentu liuliu ba projetu emerjensia sira ne’e hodi ezekusaun ne’e bele sa’e”, Ministro Obras Publika hateten Sesta ohin iha Gabinete Presidente Autoridade Oebau Suku Costa sub-rejiaun pantemakassar.
Presidente KAFED Samuel Marçal relata tan katak, Governu ko’alia ona ho Prezidente no Diretur sira, no tempu tuir mai sei fila-fali mai atu tur hamutuk hodi halo programa sira nee hotu ba tinan lima nian.
“Ita hatene katak planu nee tenki ida deit, laos ida mai muda-ida mai muda to’o tinan Rua-nolu 20 ona ita la hare ninia mudansa, tamba nee mak ita tenke planu to’o tinan lima. Ita bele imajina iha terjetu sei tinan lima nee ita to’o Iha nebe, no tinan lima mai tan ita lori oe-cusse to’o Iha nebe tan atu hare tinan sanolu nee Iha Mundansa”, Governante ne’e hakotu.
Jornalista: Julmira Cab Colo
Editor Joe Feno
Leave a Reply