Oekusi (RCAL 30 Abril 2026); Governo Timor Leste liuhusi Ministra Solidaredade Sosial Inkluzaun (MSSI), Veronica das Dores servisu hamutuk ho Institutu Nasional Estatistika (INETL-I.P), Programa Alimentar Mundial (WFP) Kinta ne’e ensera Atividade Formasaun ba Ekipa Enumerador no Supervizor kona ba kona-ba Rejistu Sosial Uniku iha Aula Igerja Numbei Suku Costa Sub-Rejiaun Pante-Makassar.
Iha ceremonia Enseramanetu ne’e, Minsitru Solidaredade Sosial Inkluzaun (MSSI) Veronica das Dores hateten; formasaun durante loron hitu hahu husi loron 23 to’o loron 30, Enumeradores na’in 159 no Supervizores na’in-18, aprende ona kona ba metodu, prosedementu no etika tanba atu hala’o rejistu sosial uniku ho koalidade, transparensia, no ho responsabilidade.
Ministra ne’e hateten, funsaun husi Enumeradores maka halibur dadus liu husi Intrevista, asegura koalidade dadus, mantein konfidensial no relata ba supervizor. Tanba supervizores nia funsaun maka supervizaun iha kampu, verifika kualidade rezolve problema, jere ekipa no relata progresu ba ekipa Munisipiu.
“enumeroador sira sei dezempena papel importante iha prosesu identifikasaun no atualizasaun informasaun kona-ba kada uma-kain iha komonidade sira,” nia afirma
Biban ne’e Direitur Nasional Ricardo Do Santos reprezentante Institutu Nasioanal Estatistika de Timor-Leste hateten Sensus Rejistu Uniku ida ne’e, ho naran SANUTRIO ne’e la’os deit kolekta numeiru, maibe ne’e hanesan intrusmentu fundamental atu hatene vida povo nia moris nian iha baze, tanba dadus ne’ebe ita bo’ot sira sei ba foti sei sai baze fundamental planeamentu iha nasional no liuliu atu kombate malnutrisaun no hametin siguransa aihan iha Timor-Leste.
Ekipa Kovertura Jornalista Media RCAL
Leave a Reply