Oekusi (RCAL 05 Maio 2026); Atu netraliza polemika situasaun servisu kada diresaun sira iha RAEOA, presidente Autoridade RAEOA Regio da Cruz Salu deklara, iha tempu badak autoridade sei halo ezersisiu ba OJE 2026 nian, hodi desidi molok halo rekrutamentu ba fungsionariu kazual ne’ebe antes ne’e hetan ona notifikasaun.
PA RAEOA Regio da Cruz Salu hateten, daudaun ne’e, instituisaun servisu Rejional monta ona estrutura, nune’e servisu sira presija atu aselera maibe iha seitor area idak-idak sei define, tanba atu priense kargu ba xefe departementu no xefe seksaun sira tenki liuhusi prosesu funsaun publika.
PA ne’e kompremete katak, sei nesesidade ruma atu presiza atu apoia servisu, tempu badak hanesan fungsionariu kazual sira sei tama iha programa prioridade planeinamentu tenke iha kabimentasaun bele la’o tuir, ne’e signifika presiza orsamentasaun.
“ami sei halo ezersisiu, nune’e hare fila-fali OJE 2026 nian ba RAEOA, ne’ebe desde loron 01 janeiru to’o ohin koloka ona, no agora ho estrutura foun, ita sei halo ezersisiu atu halo revizaun atu koloka tuir kargu xefia foun no diresaun foun, ne’ebe estabelesida no hetan ona pose husi governu.
Regio da Cruz Salu rekonese katak, antes ne’e Autoridade RAEOA nitifika ona fungsionariu kazual hamutuk 1.500 resin hodi hapara kontratu iha fulan marsu tinan ne’e 2026, tanba kumpre orientasaun husi Governu Central. Maibe hafoin Govenru Nomea estrutura definitiva, Autoridade RAEOA sei hamosu mekanizmu rua ba estrutura fungsinariu kazual hirak ne’e, nune’e bele redus dezempregu iha RAEOA.
“serteza, diresaun balu iha staff ema na’in rua deit, instituisaun estadu, nia labele dupla servisu ho ema na’in rua deit, ne’e signifika, Direitor ida Dupla funsaun, nia rasik lori kareta no nia rasik tuun ba povu iha baze, entaun mekanismu iha oin rua, ita sei kontinua halo rekrutamentu ba kada diresaun tuir prosesu komisaun Fungsaun Publika, segungu sira ne’ebe presija atu ajuda lalais, ne’e presija fungsaun publika atu bolu fali sira, maibe ita presija fungsionariu kazual ne’ebe meritu iha liur maske la’os funsionariu Publiku, tenke mai ho rasionalidade por prioridade atu kontinua.”
Fo hanoin fali katak, antes ne’e, Presiddente Autoridade RAEOA Regio da Cruz Salu informa katak, Autoridade entrega ona karta informativa ba funsionariu kontratadu no termu certu sira hamutukk na’in 1.597 atu hapara kontratu iha loron 31 Marsu 2026 ne’e bazea ba orientasaun husi Komisaun Funsaun Publika (KFP).
Nia esplika katak, husi funsionariu na’in-1.597 ne’e, kobre ba diresaun hotu iha RAEOA maibe iha diresaun tolu hanesan Diresaun Edukasaun, Sa’ude, no Departementu EDTL maka nesesariu atu kontinua manten.
Tuir dadus ne’ebe Radiu ne’e asesu katak, Total funsionariu iha Oekusi hamutuk 2.842, kompostu husi nomeasaun politika na’in 2, funsionariu permantente na’in 1.245. no funsionariu ajente administrasaun na’in-1.284, funsionariu na’in-250, kompostu husi asistensia teknika nasional na’in 44, asesor nasional na’in-44, asesor nasiional na’in-8 no asesor internasional na’in-9.
Reportagen Jornalista media RCAL
Leave a Reply