Oekusi, (RCAL 07 Maio 2026); Secretatriu Rejional Administrasaun ba Asunntu Finansa Salvador da Cruz Reprezenta PA RAEOA kinta ne’e, hatuur ona fatuk-inan ba projetu Programa Nasional Dezemvolvimentu Suku (PNDS) tinan fiksal 2026 nian, iha bairo Nefokisan aldeia postu-sika suku Lifau sub-rejiaun pantemakassar.
Projetu hirak ne’e, prioridade ba suku Lifau iha 2026 ne’e maka reabilitasaun estrada ho betaun metru-600 no britas metru-300 kompleta morru satan rai metru-186.
Iha ambitu lansamentu projetu ne’e, Reprezentante Presidente Autoridade Rejiaun Administrativa Espesial Oekusi Ambeno (RAEOA) atual secretariu rejional asuntu Finansa Salvador da Cruz husu ba ema hotu atu tau matan, tanba fundu ne’ebe aloka ba projetu ne’e, propoin rasik husi suku.
“bainhira projetu ida mai iha ita-nia suku, ita tenke tau matan, tanba PNDS ne’e, ita rasik prioriza atu halo iha ita-nia suku ho kedas nia orsamentu”.
Reprezentante Autoridade, rekomenda ba autoridade komonitaria hanesan xefe do suku, xefe aldeia no inklui delegadu sira, presiza promove lina koordenasaun ho komonidade sira atu labele hamosu impedementu bainhira servisu obra ne’e la’o, maibe presiza servisu hamutuk hodi alkansa prosesu dezemvolvimentu iha suku.
Iha biban ne’e, Diretor PNDS oekusi, João Bobo relata katak, projeitu prioridade PNDS 2026 ba oekusi hamutuk 23 ho fundu infraestrutura rihun $931.000.00, kobre ba suku 20 no sub rejiun haat.
“ohin ita hahu lansamentu primera pedra ba projetu PNDS RAEOA anu fiskal 2026 nian, nne’ebe hahu uluk iha Pantemakasar ho projetu 11, tanba projetu tinan ne’e kobre suku 20 iha sub rejiaun haat hamutuk projetu 23, ne’ebe tuir orariu aban kontinua kedas ba Nitibe, depoes ba Pasabe no ikus iha sub rejiaun Oesilo”
Entertanntu xefe suku Lifau Delfino Sole, agradese ba governu no promete sei kopera, nune’e obra ne’e finaliza tuir durasaun servisu.
“projetu ne’e la’os hau xefe suku mak husu, maibe povu suku Lifau tau hamutuk hanoin, katak tinan ne’e fo prioridade ba aldeia postu-sika, tinan tuir mai sei ba fali aldeia seluk, ne’ebe tenke tau matan, tanba ami rasik mak hakarak dezemvolvimentu mai ami nia suku, no hau garante sei laiha impedementu ba prosesu konstrusaun”.
Projetu ne’e, implementa husi ekipa jestaun suku hamutuk ho komonidade sira, ho fundu rihun $44.250,00 husi OJE 2026 ho durasaun servisu fulan haat.
Reportagen Jornalista media RCAL
Leave a Reply