Konsellu Konsultivu na’in-43 ofisialmente simu pose ba mandatu tinan rua iha Oekusi

RCAL Oekusi 25 Maiu 2026 Orgaun membru konsellu Konsultivu Rejiaun Administrativa Espesiál Oé-cusse Ambeno (RAEOA) hamutuk na’in-43 Domingo ne’e 24 Maiu 2026, simu ona pose nudar membru Konsellu Konsultivu hodi hala’o servisu durante tinan rua hahu 2026 to’o 2028.

Notisia Relevante MAE Introdus Matadalan Konsellu Konsultivu RAEOA

Kompozisaun Membru Konsultivu ne’ebé simu posse ne’e, mak hanesan; Régio Serventes Roméia da Cruz Salu Atual Prezidente Autoridade RAEOA, Sekretáriu Rejionál Administrasaun no Finansas Salvadór da Cruz,  Sekretáriu Rejionál Planeamentu no Dezenvolvimentu Francisco Loka Sekretária Rejionál ba asuntu Sosiais no Organizasaun Komunitária Merita Marques Lafo.

Nune’e mos ba membru Konsellu Konsultivu ne’ebe reprezenta povu husi suku 20 mak hanesan, Xefe suku Nipani Pedro Se’u Eco, Xefe suku Mone-Meco José Sani, Xefe suku Kutete José António Bana, Xefe suku Costa Francisco Colo, Xefe suku Lifau Delfino Sole, Xefe suku Taiboco Mateus Naz, Xefe suku Lalisuc Hermenegildo Laliçoc, Xefe suku Bobokase Tomas Nesi, Xefe suku Naimeco Marcos Liu, Xefe suku Bobometo José Labi Caet, Xefe suku Usitaqueno Francisco Elu, Xefe suku Usitasae Thomas Colo, Xefe suku Abani Carlos Elo, Xefe suku Malelat José Marques, Xefe suku Ban-afi Jorge Lalus, Xefe suku Lalaufe Jose N. Sila, Xefe suku Usitaco Hilario Duarte Babo Colo, Xefe suku Bene-ufe Marcos Meni Coel, Xefe suku Suni-ufe Crisantos Tamele, Xefe suku Cunha Domingos Seco Caunan, Reprezentante Veteranos Daniel Pereira, Reprezentante Veteranos Agostinho da Costa, Reprezentante Setór privadu Morga de Fátima Ote, Reprezentante Setór privadu Rofino da Costa Rao, Reprezentante Intelektuais João Muni, Reprezentante Intelektuais Inacia Tamele, Reprezentante Juventude António Marquer de Araújo, Reprezentante Juventude Deomentinho Coreia de Almeida, Reprezentante Relijiozas Pe. Florindo de Jesus, Reprezentante Relijiozas Me. Olandina Xavier Fátima, Reprezentante Igualdade Jéneru Sra. Joana Bobo Tano,  Reprezentante Igualdade Jéneru Merita de Jesus Marques, Reprezentante Partidu CNRT Francisco X. M Sarmento, Reprezentante Partidu FRETILÍN Jose António Afoan, Reprezentante Partidu PD Elizeu M. Ataide Ximenes, Reprezentante Partidu KHUNTO Domingos Melo Obe, Reprezentante Partidu PLP Nelson de Jesus Lay Abi, enkuantu Marcariu Pereira Benu da Cruz Reprezentante Liana’in husi suku 20, Reprezentante Komisaun Funsaun Públika Domingos Punef.

Notisia Relevante Aban Nomeasaun Formal Konsellu konsultivu RAEOA.

Hafoin remata seremonia tomada de posse, Prezidente Autoridade RAEOA, Régio Servantes Roméia da Cruz Salu hatete, Tomada de posse ba membru Konsellu Konsultivu ne’e, faz parte enkuadramentu kona-bá preparasaun ba dezenvolvimentu podér lokál, tanbá Konsellu Konsultivu ne’e, hanesan instituisaun ida ne’ebé presiza iha, tuir lei númeru 3 no dekreitu lei númeru 1/2006 loron 2 fulan Setembru, ne’ebé iha artigu 14 ko’alia kona-bá konsellu konsultivu.

“Ohin ita fó posse kona-bá membru Konsellu Konsultivu hamutuk 43, maibé ida ne’e seida’uk sura ho suplentu sira. Konsellu Konsultivu ne’e, ita kompleta ona mandatu lei no dekreitu lei sira ne’ebé ohin ha’u temi ona no ita prepara atu kapasita an nafatin, kona-bá saida mak ita presiza”, katak Prezidente Autoridade RAEOA, Régio Servantes Roméia da Cruz Salu iha Salaun Konvensaun Palaban.

Notisia relevante Autoridade RAEOA indika ona ema na’in-43 nudar membru Konsellu Konsultivu.

PA ne’e dehan, Tuir Lei, Konsellu Konsultivu ne’e, orgaun konsultivu Rejionál nian, atu ajuda promosaun dezenvolvimentu sosiu ekonómiku iha Rejiaun. Ida ne’e signika katak, membru Konsellu Konsultivu sira ne’e povu nia lian, ne’ebé reprezenta kamada sosiál, polítiku, ekonomikus, relijiozas no kulturál atu nune’e bele hatutan no promove nesesidade dezenvolvimentu integradu ne’ebé inkluzivu no presiza ba desizaun polítika públiku iha rejiaun, no dezenvolvimentu ne’ebé ho rezultadu diak ba povu.

“Ho esperansa ne’ebé estratejiku tebes, bainhira iha planu estratejiku ruma ba RAEOA, ita bele konsulta malu no ko’alia ba malu, membru Konsellu Konsultivu sira ne’e fó hanoin, kona-bá buat sira ne’ebé estratéjiku, nesesidade importante ba povu, ba rai ENCLAVE no Estadu nian, tanba sira reprezenta povu, nune’e bele iha balansu kona-bá inkluzividade, inkluzaun sosiál, atu nune’e ita evita deside mesak, tanbá ne’e hanesan boa governasaun ida importante atu fó hanoin nafatin ba ukun na’in sira iha RAEOA, atu halo buat ida ne’ebé refleta prinsípiu dignidade, integridade Estadu, Governu, liu-liu povu” dehan Prezidente Autoridade RAEOA.

Reportagen Jornalista Media RCAL