Oe-cusse RCAL, 05 Junhu 2026 – Prezidente Konsellu Administrativu Fundu Espesial Dezemvolvimentu (KAFED) atual Ministru Obras Publika, Samuel Marcal renkonhese Ezekusaun Orsamentu Jeral Estadu iha RAEOA pursentu kiik tanba afeta hosi mudansa estrutura.
Prezidente KAFED, Samuel Marcal, hatete, politika ba Ezekusaun orsamentu ne’e tenke haree ba saida mak durante ne’e sai ba obstakulu hodi halo Ezekusaun la sa’e ne’e ida mak dala ruma iha mudansa ba sistema ne’ebe mak iha Oekusi Ambeno.
“Ita hatene katak durante ne’e iha mudansa barak iha ne’e, liuliu iha parte administrasaun RAEOA nian no agora foin mak halo instalasaun ba Sekretariadu Fundu Espesial Dezemvolvimentu RAEOA nian, hodi bele asesu ba iha sistema atu hahu halo pagamentu, ne’ebe ha’u mai ko’alia ida ne’e ho Prezidente Autoridade atu dudu hela progresu ezekusaun ne’e”, nia hateten sesta ohin hafoen remata audensia ho Presidente Autoridade RAEOA iha Oebau suku Costa Sub-Rejiaun Pantemakassar.
Membru Governu ne’e Argumenta katak, Ezekusaun ne’e presiza aselera tanba boot liu iha kapital Dezemvolvimentu no kapital umanu ho nune’e bele aselera projetu sira atu bele la’o hodi garante ezekusaun ne’e bele sa’e.
“Se ezekusaun ne’e sa’e ita iha direitu atu bele husu tan orsamentu ba tinan oin mai ne’e boot ka kiik depende hosi ita ninia persentajen ezekusaun hosi tinan ida ne’e nian”, Samuel informa.
Jornalista: Julmira Cab Colo
Editor Joe Feno
Leave a Reply