RCAL Oe-Cusse, 3 Juñu 2026 – Governo Timor leste liuhosi Vise-Primeiru-Ministru, Ministru Koordenadór Asuntu Sosiál no Ministru Dezafiu Demográfiku Tersa ne’e, Introdus Dekreito lei-Nú. 9/2024 ba Autoridade RAEOA iha salaun Konvensaun Palaban Suku Costa Sub-Rejiaun Pantemakassar RAEOA.
Asesoria Jurídika Gabinete Vise-Primeiru-Ministru, Ministru Koordenadór Asuntu Sosiál no Ministru Dezafiu Demográfiku, Maria Goreti Lúcia Guterres, hateten Desaminasaun ne’e foku ba Dekretu-Lei Nú. 9/2024, loron 13 Fevereiru, ne’ebe governo reativa no reforsa fali papel Konsellu Nasional Seguransa Alimentar, Soberania no Nutrisaun Timor-Leste (KONSSAN-TL).
“Ohin ami mai iha RAEOA atu halo desiminasaun ba Dekretu-Lei ida ne’e, atu bele estabelese estrutura KONSSAN-TL iha nivel RAEOA. Ida ne’e importante atu fasilita koordinasaun servisu entre nivel nasional no nivel RAEOA,” hateten Maria Goreti.
Assesora juridiku Maria Goreti esplika, Dekreitu lei ne’e, foku liu ba Seguransa Alimentar, Soberania no Nutrisaun Timor-Leste nu’udar órgaun koordenasaun ne’ebé envolve Ministériu no instituisaun importante sira ho intensaun atu garante jestaun seguransa alimentar no nutrisaun iha Timor-Leste.
Maria Goreti dehan, Ministériu Saúde fó apoiu ba preparasaun menu no kompozisaun ai-han nutritivu, enkuantu Ministériu Agrikultura haree disponibilidade produtu lokal sira.
“papel prinsipál husi KONSSAN-TL oinsa halo koordinasaun no identifika dezafiu sira ne’ebé afeta seguransa alimentar no nutrisaun iha Oe-Cusse no nia iha Estrutura ida ne’e envolve reprezentante husi ministériu sira hanesan Saúde, Edukasaun, Agrikultura, Obras Públikas, Finansas, Sekretáriu Estadu sira no SERVE/SEFOPE, ne’ebé sei sai membru no pontu fokál ba implementasaun programa sira relasiona ho nutrisaun no seguransa alimentar Iha nivel nasional no grupu traballu Merenda Eskolar Hanesan área prioritária sira”
Durante enkontru Desaminasaun, Diretor Rejional Asuntu Administrasaun RAEOA, Domingos Punef hatete, Prezidente Autoridade RAEOA prepara hela mekanizmu atu bele estabelese estrutura téknika KONSSAN-TL, ne’ebé sei responsabiliza ba implementasaun iha Munisipiu Rejiaun Administrativa spesial Oekusi Ambeno.
Reportagen Jornalista Media RCAL Julmira Cab Colo
Editor Joe Feno
Leave a Reply