OÉKUSSI 10 FULAN JUÑU 2026 (RACL) – Ministériu Agrikultura Pekúaria Peskas no Floresta (MAPPF), servisu hamutuk autoridade RAEOA liuhusi diresaun rejionál agrikultura Kuarta-feira ohin atribui ekipamentu agríkola ba komunidade agricultór sira iha Suku Cunha Postu Administrativu Pante-Makasár.
Ekipamentu Agrikola ne’ebe maka MAPPF atribui hanesan Traktor boot Unidade 2, Hand traktór unidade 10, nomós Makina kuda hare hamutuk unidade 5.
Domingos da Conceção do Santos, Reprezenta Ministru Agricultura Pecuária Pescas no Floresta hateten katak distribausaun ba Ekipamentu Agrikola no Peska nian ho objetivu oinsa atu hasa’e produsaun iha Oé-Cusse, nune’e reprezenta Ministru husu ba komunidade agricultór sira, presiza utiliza Ekipamentu hirak nee atu nune’e bele hafasil Servisu iha terenu.
“Sasan sira nee mai husi osan Orsamentu ka Povu nian osan, ami hanesan membru Guvernu ami aprova Serbisu no osan sira ho Sura tahan deit, atu Hola sasan hodi fahe ba Komunidade, atu bele utiliza no Moderniza ho setor Agrikola,Ohin loron ami atribusaun ekipamentu sira hodi motiva ka enkoraje ita nia komunidade,” hateten Domingos da Conceção do Santos, Reprezenta Ministru Agricultura Pecuária Pescas no Floresta.
Domingus haktuir Politíka Ministériu Agricultura Pecuária Pescas no Floresta MAPPF distribui ona Makina iha monisipiu hotu-hotu atu asesu maibe, Makina mak la hanesan tamba hare ba Volume atividade agrikultur ninian, ne’ebé MAPPF lahusik minisipiu ida iha kotuk, hotu-hotu iha oin, sei hare posibilidade sei iha kontinuasaun ho Tekniku sira.
“ekipamentu Governu osan lori povu nia osan. hau husu ba agrikultór sira tenke resposabiliza, kuidadu hodi Ekipamentu sira ne’e iha nia Sustentabilidade, tamba ita la goja ohin no aban, maibe iha jerasaun tuir mai sei sente mos ita nia esforsu”.
Diretur Agrikultur RAEOA José Oki, relata katak RAEOA ho potensialidade natar ne’ebé luan, ho total área natar hamutuk 5.705 ektares, ho esforsu no apoiu husi Autoridade RAEOA hodi hadia no reabilita kanál irigasaun sira, no to’o agora konsege utiliza ona área hamutuk 2.862 ektares. ne’ebé benefisiu ba 9.711 uma kain.
“Iha área natar hamutuk 2.845 ektares nebe seidauk utiliza ba área kultivasaun, tamba nee Autoridade RAEOA liu husi serbisu Rejionál Agrikultura kontinua halo esforsu atu aumenta área Kultivasaun nebe iha. Agrikultores sira konsege realiza kultivasaun área natar hamutuk 1.802 Hektares, kompustu husi sitema (PAD) 630 ektares, sistema konvensionál 800 ektares, tradisionál 372 ektares no área preparadu Kultivasaun hamutuk 1.060 ektares”, nia hatete.
Entretantu Xefe Suku Cunha Domingos Seco Caunan Reprezente Komonidade Agrikoltur sira, agradese ba MAPPF no autoridade RAEOA, tamba foin primeru vez husi Governu fo apoiu Makina kuda hare no hand traktór inklui traktór boot, nune’e hakman ona komunidade agricultór sira nia servisu.
“hau hanesan Xefe suku hakarak agradese no orgullu tebes ba Ministériu Agricultura Pecuária Pescas no Floresta MAPPF nomós autoridade RAEOA liliu Diresaun Rejionál Agricultura ohin lori atribui Ekipamentu ba komunidade agricultór sira iha Suku Cunha, hau fiar katak husi apoiu ne’e bele fasilita ona komunidade oinsa atu hasae produsaun hare ihaRAEOA”nia agradese.
Jornalista: Julmira Cab Colo
Editór : Joe Feno
Leave a Reply