Oekussi RCAL, 9 Juñu 2026, Governo liuhosi Politika Ministeriu Agrikultura Pekuaria Peska no Floresta ( MAPPF) Tersa ne’e 09 Juñu 2026 fasilita osan Dolar Amerikanu $ 200 ba kada estensionista suku iha Rejiaun Administrativa Espesial Oekusi Ambeno (RAEOA).
Diretur Nasional Extensaun Agrikultor Januario Marcal, hateten Distribuisaun osan ba estensinista suku ne’e atu halo demplot (plot demonstrasaun) hanesan fundu operasional ki’ik hodi apoia to’os-na’in sira ho Objetivu prinsipál mak atu prova no aprende téknika agrikultura foun hodi hasa’e produsaun ai-han lokál no hamenus dependénsia ba importasaun
Januario Marçal dehan, Osamentu ne’ebe fo ba kada estensionaista Suku iha RAEOA nudar programa faze daruak ho intensaun, atu servisu hamutuk ho komoidade suku hodi halo Demonstrasaun Demplot bazea ba manual Extensaun.
“Orsamentu nebe mak Distribui kada Postu ida ho Montante $700;00 no kada sucu ida ho mantante $ 200;00, Tamba saida mak ita tenke Demplot iha sistema serbisu extensaun Agrikola Nasional no Manual extensaun hateten katak uniku mak dalan nebe atu halo transformasaun teknologia nebe diak husi ita nia tekniku extensionista sira ba iha Agrikultor mak dalan ida liu husi Demprot.” Hatete Januario Marcal tersa ne’e iha Salaun Agrikultura, Orta Suku Costa Sub-Rejiaun Pantemakassar.
Diretur Extensaun Nasional Agrikultor Januario Marçal esplika, Progama Apoia Fundus ki’ik ne’e nudar programa faze daruak hafoin remta faze dahuluk iha tinan 2025.
“Bazea ba dadus nebe mak iha tinan 2025 nian ba implementasaun iha Oekusi lao ho diak, no balun sedauk diak, tamba ne’e finansiamentu orsamentu mai husi orsamentu Diresaun nian, hodi fasilita estensionista sira atu servisu hamutuk ho komonidade iha suku idakidak”.
Biban ne’e, Direitur Servisu Agrikultura Rejional José Oki hateten, programa Demplot ba tinan ne’e foku liu ba hakiak bibi iha suku no postu sira, tanba liuhosi hakiak Animal ne’e bele produs mós kompos hodi bele utiliza atu haburas plantasaun iha kintál uma hun.
“Dala barak ita haree Demplot ba los mai los entaun la fó impaktu ba tempu naruk. Ho ida ne’e ita tenki ba iha Demplot hakiak bibi nia adubu, ita bele halo kompos ne’e ita bele utiliza kuda modo no plantasaun bele sai buras”, nia esplika.
Reportajen Jornalista Media RCAL
Julmira Cab Colo
Editor Joe Feno
Leave a Reply