Oékussi RCAL 10 Juñu 2026 – Comisaun Nasional ba Eleisaun (CNE), hamutuk Serbisu hamutuk ho Secretariadu Tekniku da Administrasaun Eleitoral (STE), Akompaña hosi Polisia Nasional de Timor Leste (PNTL) Oekusi, Tersa ne’e, 09 Juñu 2026 hala’o atividade edukasaun sivika ba estudante sira iha Eskola Sekundariu Geral Baki suku Naimeko Sub-Rejiaun Pantemakassar.
Prezidente CNE Jose Agostinho Da Costa Belo hatete edukasaun sivika ne’e ho intensaun atu hasa’e Estudante sira ho idade besik tinan 17 ninia konhesimentu konaba prosesu Elisaun liuhosi festa demokrasia.
Jose Agostinho dehan sosializasaun ne’e inportante ba estudante sira atu hatene no kompriende servisu husi Orgaun CNE tanba eleisaun ne’e importante tebes ba sidadaun hotu-hotu hodi bele ezerse ida-idak ninia direitu atu hili nia lideransa nune’e bele atu halo dezemvolvimentu ba nasaun ne’e no povu.
“estudante sira ne’ebe mak ho idade to’o ona sanulu resin hitu ba leten presiza intende didi’ak lala’ok eleisaun nian hodi bele partisipa iha festa demokrasia liuhosi kontribui votu ida atu hili lideransa ida ne’ebe iha vizaun di’ak ba nasaun ne’e”.
Biban ne’e Diretora da Eskola Sekundariu Geral Baki Rina Rampi Anuno, agradese ba ekipa husi Comisaun Nasional das Elisoens (CNE) ho Secretariadu Tekniku da Administrasaun Eleitoral (STAE), tanba iha hanoin diak hodi bele fahe informasaun ba estudante sira konaba lala’ok eleisaun nian, nune’e estudante sira tenke partisipa ho masimu hodi bele kompriende di’ak liutan konaba demokrasia ne’e atu garante ba estudante sira ninia futuru.
Jornalista Media RCAL Julmira Cab Colo
Editor Joe Feno
Leave a Reply