Óekussi RCAL 10 Juñu 2026 – Asosiasaun Feto Mudansa Ekonomia Família (AFMEF) ne’ebe hetan fundus husi Gabinete Apoio Sosiadade Sivil (GAS) koarta ne’e 10 Juñu 2026, sosializa programa Dezemvolvimentu de Oportunidade de transformasaun e Subtansia ba Jerasaun Foun, Groupu LQBTI no feto rural sira iha salaun Dominikana Sta. Rossa Suku Costa Sub-Rejiaun Pantemakassar.
Diretora AFMEF Juana Bobo Tano hetete, Asosiasaun Feto Mudansa Ekonomia Familia hanesan Organizasaun ida ne’ebe hari ho konsensia ba nesesidade Empoderamentu Ekonomia Familia ho Programa no atividade Prinsipal maka hanesan Formasaun Tais koalidade ba sorru nain sira, liuliu ba jerasaun foun, atu kontinua promove identidade Kultura Tais iha RAEOA nomos iha Timor-Leste.
Nia informa obejetivu husi Sosializasaun ne’e atu hasa’e kapasidade feto rai-na’in, ba feto Jerasaun Foun, no LQBTI inklui ema difisiente sira atu hatene oinsa promove direitu, no dezenvolve ekonomia família liuhusi atividade industria Tais.
Biban ne’e Adjunta Koordenadora Gabinete Apoia Sosiadade Sivil Jacinta Luziña, iha nia intrevista hateten, atividade ne’e nudar programa inisiu nebe halo abertura hodi bele hahu hala’o to’o fulan Dezembru tinan 2026.
Jacinta dehan antes ne’e iha tinan 2025 AFMEF hetan progresaun servisu ne’ebe diak ho Groupu feto rural sira, maibe foka liu ba Groupu husi Suku Hitu, nune’e ba tinan 2026 ne’e, kontinua habelar Formasaun ne’e ba Groupu husi Suku-10 iha RAEOA.
Partisipa iha Atividade Sosializasaun programa ne’e, mai husi Autoridade RAEOA, ne’ebe Reprezenta husi direitora servisu rejional asaun sosial, Edukasaun Rejional, Komandante PNTL Oekusi, CCI-RAEOA, Gabinete Apoio Sosiadade Sivil no partisipantes groupu benefisiariu husi suku sanolu (10) hanesan, Suku Costa B, Kutete, Suku Bobocase, Suku Mone-Meco, Nai-Meco, Suku Cunha, Taiboko, Sub-Rejiaun Pantemakassar, Suku Usitaqueno, Suku Usitasa’e Sub Rejiaun Oesilo, no Suku Abani sub-Rejiaun Pasabe.
Reportagen Jornalista Media RCAL
Leave a Reply