Oekusi (RCAL 07 Maio 2026)_Prezidenti Komisaun Organizadora atual Secretaria Rejional ba Asuntu Administrasaun no Finansas, Salvador da Cruz, hamutuk ho Sekretária Rejionál Asuntu Sosiál no Organizasaun Komunitaria, Sekretáriu Rejionál Planeamentu no Dezenvolvimentu, Koarta ne’e 06 Maio 2026, realiza enkontro daruak ho kada seksaun ba komemora loron Independensia 20 de Maio iha salaun Administrasaun Numbei Suku Costa Sub Rejiaun Pantemakassar.
Hafoen remata Enkontro Presidente Komisaun Organizadora Salvador da Cruz ba jornalista hateten, Objetivu husi enkontru ne’e, atu hare servisu kada seksaun hotu ninia preparasaun no ajusta proposta osamentu sira atu bele harmoniza ho atividade komemorasaun Loron 20 de Maiu 2026 iha RAEOA.
Salvador Hateten, durante enkontro Komisaun Ajusta ona Osamentu rihun $ 31.700, hodi selebra Loron Restaurasaun Independénsia, 20 de Maiu 2026 nian ho tema “Hamutuk Ita Hari’i Pátria Ida Ne’ebé Justu, Inkluzivu no Resiliente Liu Tan,”.
Presidente Komisaun ne’e sublina katak, eventu Icar bandeira Nasional 20 de Maio tinan ne’e sei konsentra iha kampu Un de Maio 1 Palaban ho partisipantes kada suku besik na’in-40.
Iha enkontru refere, komisaun organizadora diskute progresu atividade husi seksaun ida-idak no mos proposta osamentu atu suporta atividade sira durante komemorasaun nasional ne’e.
Salvador da Cruz hatete, reuniaun daruak ne’e importante atu haree atividade hotu ne’ebé seksaun sira prepara ona, inklui ajustamentu proposta osamentu antes tama ba prosesu finalizasaun, tanba total osamentu ne’ebé komisaun propoin osan dolar amerikanu rihun tolu nulu resin ida, atus hitu ($ 31,700 USD), husi OJE 2026, no sei uja ba atividade hanesan, Dekorasaun, Mobilizasaun sukus nomos preparasaun palku inklui Kompetisaun desportu hanesan La’o Tuir Ordem ka marsa, no Gimnastiku nebe sei konsentra iha parque depostivas Oebau husi estudante Eskola Ensinu Sekundariu Geral sira iha Villa Pantemakasar.
Reportagen Jornalista Media RCAL
Leave a Reply