Pantemakasar (RCAL, 07 Outubro 2026) – Vise-Ministru Komérsiu no Indústria, Augusto Júnior Trindade, Koarta ne’e, hasoru malu ho Prezidente Autoridade RAEOA, Régio Servantes Romeia da Cruz Salu, iha Salaun GPA Oé-bau, Suku Costa Postu pantemakassar.
Enkontru ofisiál ne’e realiza ho intensaun atu koordena no diskuti agenda preparasaun finál ba koleita masin ne’ebé sei dezenvolve daudaun iha Maes Mone, Pante-Makassar.
Vise-Ministru Augusto Júnior Trindade hateten, Tuir planu, koleita ba masin ne’e sei hahú iha loron 9 Outubru ne’e, tanba projetu masin ne’e hahú ona husi tinan kotuk no nia rezultadu tenke kuidadu didi’ak tanba uza osan povu nian.
Membru Govenante ne’e dehan, Governu ho Autoridade RAEOA hakarak masin ne’e kobre uluk nesesidade iha rai-laran, antes hanoin atu halo esportasaun ba rai-li’ur no Governu mós fó hanoin katak produsaun masin ne’e labele abandona ka labele para de’it iha klaran.
“Dezenvolvimentu masin iha Rejiaun Administrativu Espesial Oe-cusse Ambenu (RAEOA), iha tinan kotuk ita hahú maibé nia rezultadu iha dia 09 Outorbro sei koleita,masin ne’e bele utiliza uluk iha ita nia rai laran, sei rai laran hotu maka foin hanoin atu halo esportasaun ba rai li’ur”.
Hafoen remata enkontro, Prezidente Autoridade RAEOA, Régio da Cruz Salu, ba jornalista rekoñese katak dezenvolvimentu iha Oé-Cusse sei la’o ba oin se ekonómia iha rai-laran moris. Tanba ne’e, iha enkontru kordenasaun ne’e, parte rua diskute mós oinsá atu haburas ekonómia kreativa ne’ebé bele fó benefísiu no hasa’e moris povu nian, liuliu iha rejiaun enklave.
Reportagen Julmira Cab Colo
