Pantemakassar (RCAL 08 Outubro 2026) – Formasaun ne’ebé hala’o iha Salaun INFORDEPE Pantemakasar, kinta ne’e, nu’udar faze ikus hodi prepara profesór sira ba implementasaun kurríkulu foun 8º ano iha tinan letivu oin mai.
Faze ikus ne’e foka liu ba disiplina rua, hanesan Matemátika ho Desportu hodi hein implemetasaun ba Oitavu Ano iha anuletivu oin mai.
Koordenador Gabinete Peskiza Rejionál Monitorizasaun no Avaliasaun INFORDEPE, Venansio Tilman, afirma katak formasaun ne’e momentu desizivu tebes. Depois de reforma tiha kurríkulu ba Primeiru no Segundu Siklu, agora tempu ona atu kontinua ba Ensinu Sekundáriu.
Iha fatin hanesan, Diretor Serbisu Rejionál Edukasaun RAEOA, Vincensio Cono, husu ba profesór sira atu hatudu seriedade tomak hodi labele transmiti de’it siénsia, maibé sai lider ne’ebé prepara jerasaun foun.
“Hau husu atu Implementa ho loos no sério ba atividade importante tebes hodi transmiti siénsia… Nudar Professor hanesan Lider nebe mak prepara ba Jeresaun foun sira. Ita tenke prense ho fiziku no naun Fiziku, hanesan Preparasaun…”
Formasaun ne’ebé la’o durante semana ida ne’e, hetan apoiu tomak husi Ministériu Edukasaun liusi INFORDEPE hodi dudu transformasaun iha dalan aprendizajen nian.
Reportagen Julmira Cab Colo
