Pantemakassar (RCAL 09 Outubru 2026) – Governu liuhosi Ministeriu Komérsiu no Indústria, Nino Pereira, hamutuk ho Prezidente Autoridade RAEOA, Régio da Cruz Salu, Sesta ne’e koelleta masin Kayrala iha Aldeia Makelab, Suku Taiboco, Pante-Makassár.
Iha Lansamentu Koelleta ne’e Ministru Komersiu no Industria Nino Pereira hatete, produsaun masin rasik iha Oékusi hanesan pasu estratéjiku boot hodi hametin autonomia ekonómika no garante seguransa ai-han, no Produsaun lokál sei responde dahuluk nesesidade rai-laran, no bainhira kapasidade sufisiente, Governu sei loke dalan ba exportasaun ba merkadu internasionál.
Governante ne’e hateten, Inisiativa ne’e foka ba hadi’a kualidade produsaun no embalajen, hodi garante masin lokál kumpri padraun merkadu nasionál no internasionál no kontinua fó atensaun no investimentu ba dezenvolvimentu indústria masin iha Oékusi.
Ninu Pereira dehan, Governu sei servisu hamutuk ho setór privadu sira, hodi hasa’e kapasidade, hamosu inovasaun no garante sustentabilidade indústria Nune’e, rekursu naturál Oekusi nian sei sai oportunidade ekonómika hodi kria kampu traballu, hasa’e rendimentu família no hametin diversifikasaun ekonómika nasionál.
“Fatin produsaun masin iha RAEOA, ita hahú ho hektare 10, maibé produsaun masin ne’ebé kolleta hektare ida de’it. Ba oin governu hanoin atu haluan tan fatin produsaun masin ne’e, nune’e bele responde ba nesesidade konsumu iha rai laran.”
Biban ne’e, Prezidente Autoridade RAEOA, Régio da Cruz Salu, husu ba autoridade lokál sira, atu organiza povu iha baze hodi serbisu hamutuk nune’e bele kria rendimentu ba família ida-idak.
Serimónia lansamentu kolleta ne’e, hetan mós prezenansa husi Vise-Prezidente Komisaun-D Parlamentu Nasionál, Komandante PNTL, F-FDTL rejionál, no komunidade sira.
Reportagen Julmira Cab Colo
